Самарқанд шаҳридаги 64-сонли алоҳида сақлаш шароитлари, тарбия ва таълимга муҳтож ўғил болалар учун ихтисослашган мактабнинг 8-синф ўқувчиси А.Т. ўзини осиб қўйган. «Дарё»га келган маълумотларга кўра, воқеа 25 июль куни кечаси содир бўлган.
А.Т. нима сабадан ўз жонига қасд қилганлиги бўйича аниқ маълумот йўқ. Маълумотларга кўра, мактаб директори боланинг яқинларини чақириб, унинг руҳий касал эканлигини боис ҳеч қандай даъвоим йўқ деган тилхат ёздириб олган.
Эслатиб ўтамиз, бир йил аввал — 2018 йилнинг 23 июль куни ОАВда Самарқанд шаҳридаги 64-сонли махсус мактаб раҳбарлари ва тарбиячилар тарбияланувчиларни калтаклаб келаётгани ҳақида хабар пайдо бўлган эди. Судда мактаб раҳбарлари узоқ муддатга озодликдан маҳрум этилган эди.
Иш Самарқанд вилояти судида апелляция тартибида қайта кўрилиб, барча жабрланувчилар ва гувоҳлар, шунингдек, қўшимча гувоҳлар ҳам сўроқ қилингач, Самарқанд шаҳар суди шошма-шошарлик билан иш кўргани, кўп камчиликларга йўл қўйгани ошкор бўлди ва 64-махсус мактаб-интернати директори Шуҳрат Садинов, тарбиячилар Ш.Очилов ва З.Салимовлар суд залидан озод қилинганди.
Изоҳ (0)