Jizzax viloyatining G‘allaorol tumani, Qo‘ytosh shaharchasida gaz quvurlari bir guruh kishilar tomonidan kesib olinib, talon-taroj qilindi. Bu haqda “Daryo” mobil muxbiri xabar bermoqda.
Qayd etilishicha, bunga o‘zini tuman hokimi o‘rinbosari deb tanishtirgan shaxs va ShFY raisi boshchilik qilgan.
“Biz tuman yoki viloyat hokimi qarori bor-yo‘qligini so‘raganimizda ko‘rsata olishmadi. Bundan tashqari, gaz quvurlarini kesish chog‘ida hovli devorlari ustiga tushib, shiferlar va devorga talofat yetkazildi. Buni kim to‘g‘irlab berishi so‘ralganda hech kim zimmasiga olmadi. Qo‘ytosh o‘tgan yili ‘Obod qishloq‘ dasturiga tushgan, lekin tayyor quvurlarni kesib, yo‘q qilish to‘g‘rimikin? Yaqin yillarda gaz berilsa keyin nima qilamiz?” deyiladi xabarda.
Izoh (0)