2016-yil 15-iyulda Mirzo Ulug‘bek tumanida 46 yashar Rustam B. o‘gay singillari Olga Sh. va Lyudmila B.dan ularga meros bo‘yicha tekkan kvartiraning bir qismini sotish huquqini beruvchi ishonchnomani qo‘lga kiritadi. Bu haqda IIBB matbuot xizmati ma’lum qildi.
U Go‘zal A. ishtirokida merosning Qozog‘istonda bo‘lib turgan o‘gay ukasi Vyacheslav Sh. ga tegishli qismini ham o‘zlashtirishga qaror qiladi.
Buning uchun ular Vyacheslav Sh.ning o‘lgani to‘g‘risidagi soxta xulosani tayyorlab, kvartirani 19500 dollarga sotib yuboradi. Pullarni qonuniy merosxo‘rlar o‘rtasida taqsimlamay, o‘z ehtiyojlari uchun ishlatib yuboradi.
Mazkur holat yuzasidan JKning 168-moddasi (“Firibgarlik”) bo‘yicha jinoiy ish qo‘zg‘atildi.
Izoh (0)