Vladimir Putinning kortejini minalashtirishga urinishdi

Yekaterinburgda ikki nafar erkak Rossiya prezidenti Vladimir Putinning kortejini minalashtirishga urindi, deb xabar beradi “Gazeta.ru”.

Ta’kidlanishicha, erkaklar portlovchi qurilmaning mulyajini Rossiya yetakchisining korteji harakatlanadigan yo‘lga o‘rnatgan.

Politsiya xodimlari yolg‘on portlashni uyushtirishga uringan gumonlanuvchilarni qo‘lga olgan. Ular o‘z harakatlarini huquq-tartibot organlarining bunaqa vaziyatda qanday yo‘l tutishini sinamoqchi bo‘lganliklari bilan izohlagan.

IIV xodimlarining ma’lumotlariga ko‘ra, erkaklarning ikkisi ham Yekaterinburg fuqarosi hisoblanadi va ular bundan oldin sudlangan.