Давлат тест маркази (ДТМ) сайтида 2019/2020 ўқув йили учун олий таълим муассасалари (ОТМ)га ҳужжат топширган абитуриентлар учун тест имтиҳонига кириш рухсатномасини онлайн олиш имконияти йўлга қўйилди.
Абитуриентлар ruxsatnoma.dtm.uz саҳифаси орқали рухсатномани юклаб олиб, принтердан чиқариб олиши мумкин.
Рухсатномани мустақил олиш имкониятига эга бўлмаган абитуриентлар қуйидаги муассасаларга мурожаат этишлари лозим:
- яшаш жойидан қатъи назар, ихтиёрий туман (шаҳар)даги Давлат хизматлари марказлари;
- яшаш жойидан қатъи назар, ихтиёрий ОТМ қабул комиссияси;
- яшаш жойидан қатъи назар, ихтиёрий Бандлик ва меҳнат муносабатлари вазирлигининг туман (шаҳар) бўлимлари.
Қайд этишларича, ДТМ сайтига мурожаатлар сони ҳаддан зиёд кўплиги боис, рухсатномани юклаб олишда айрим қийинчиликлар юзага келиши мумкин.
Изоҳ (0)