Klarens Zeedorf Kamerun terma jamoasi bosh murabbiyligidan iste’foga chiqarildi. Bu haqda jamoaning rasmiy saytida xabar berildi.
Bunga Kamerunning Afrika Millatlar Kuboigdagi qoniqarsiz ishtiroki asosiy sabab qilib ko‘rsatilmoqda.
Eslatib o‘tamiz, Kamerun musobaqaning 1/8 finalida Nigeriya termasiga 2:3 hisobida imkoniyatni boy berib qo‘ygandi.
Ma’lumot uchun, 43 yoshli Zeedorf 2018-yildan buyon terma jamoani boshqarib kelayotgandi. Avvalroq u “Milan”, “Shenchjen” va “Deportivo” klublarida ham ishlagan.
Qayd etish joiz, Zeedorf futbolchilik faoliyatida “Ayaks”, “Sampdoriya”, “Real”, “Inter”, “Milan” va “Botafogo” klublari safida to‘p surdi. U 2 bor Italiya chempioni, 2 marta Niderlandiya hamda 1 marotaba Ispaniya chempioniga aylandi. Bundan tashqari Zeedorf 4 marta Yevropa Chempionlar Ligasi va 2 marotaba UEFA Superkubogi g‘olibi sanaladi.
Shuningdek, u Niderlandiya terma jamoasi safida umumiy hisobda 87 ta uchrashuvda maydonga tushib, 11 ta golga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)