14-iyul kuni soat 01:20 atrofida Qoraqalpog‘istonning Chimboy tumanida yashovchi 30 yoshli Kobeysin Yesemuratov qo‘shnisi, 42 yoshli E.D. ismli ayolning uyida bosqinchilik sodir etdi. Bu haqda IIV matbuot xizmati ma’lum qildi.
Uni qo‘rqitib, o‘tkir tig‘li jism bilan jarohatlab, bir juft bijuteriya ziragi, hisobida puli bo‘lmagan bank plastik kartochkasi va Samsung rusumli mobil telefonini olib, voqea joyidan yashiringan. Natijada E.D. kasalxonaga yotqizilib, K.Yesemuratovni ushlash choralari ko‘rilgan.
Holat yuzasidan Jinoyat kodeksining 164-moddasi bilan jinoyat ishi qo‘zg‘atilib, tergov harakatlari olib bormoqda.
“Hurmatli fuqarolar! Ushbu shaxs tomonidan boshqa turdagi jinoyatlar sodir etilishini oldini olish maqsadida Kobeysin Yesemuratov haqida biron-bir ma’lumotga ega bo‘lsangiz, ichki ishlar organlarining hududiy bo‘limlariga yoki “102” telefon raqamiga xabar berishingizni so‘raymiz”, deyiladi xabarda.
Izoh (0)