Google Twitter’da 2019-yilning oktabrida namoyish etilishi kerak bo‘lgan Pixel 4 smartfoni suratini rasman e’lon qildi. TJournal’ning yozishicha, kompaniya shu yo‘l bilan qurilma surati internetda sizib chiqqaniga javob qaytargan.
Pixel dizaynida asosiy o‘zgarishlar bu kameraning yangi shaklidir. Endi u kvadrat ko‘rinishda bo‘lib, ikki kamera, chaqnoq (vspishka) va yana ikki sensorni o‘z ichiga oladi. Ulardan biri ehtimol datchik, ikkinchisi esa mikrofon bo‘lishi mumkin.
Pixel 4 ustki qismiga qaraganda, Google shuningdek, birinchi marta orqa paneldan barmoq izlari dastchiki olib tashlagan. Ehtimol, u smartfon chetidagi yoqish tugmasi yoki ekran tagiga ko‘chirilgan.
Qayd etilishicha, Pixel’ning so‘nggi bir necha modellari haqidagi ma’lumotlar ham taqdimotdan ancha oldin ma’lum bo‘lgan. Xususan, Pixel 3 voqeasida blogerlar smartfonni suratga olgan, ishlatib ko‘rgan va uni taksida qoldirib ketishga ulgurgan. OAVlar qurilma partiyasi Foxconn zavodidan o‘g‘irlanib, Ukrainadagi qora bozorda qayta sotilganini ma’lum qilgan.
Jurnalistlarning fikricha, bu safar Google tashabbusni o‘z qo‘lida saqlab qolishga qaror qildi. Kompaniyada, suratda haqiqatan ham Pixel 4 ekanligidan boshqa hozircha hech nimani tasdiqlay olmasliklari aytilgan.
Sizib chiqqan ma’lumotlarga ko‘ra, Pixel 4 va 4 XL kattaligi avvalgi modellardan uncha farq qilmaydi. Yangi versiya ekrani ham “qosh”siz bo‘lib, buning o‘rniga Google an’anaviy hoshiyalarga qaytib, unda Iphone’dagi Face ID yuzni aniqlash tizimi joylashadi.
Izoh (0)