Angren ko‘mir koniga qarashli hududda sodir bo‘lgan aralash ko‘chkilar haqida ma’lumot berildi

8-iyul kuni taxminan soat 15:30 larda Angrendagi ko‘mir konining shimoliy qismida 25 million metr kubga yaqin tuproq jinsi ko‘chdi, deb xabar beradi “O‘zbekiston temir yo‘llari” matbuot xizmati.

Ko‘chkining yuzaga kelishiga aprel oyida normadagidan ko‘proq yog‘gan yomg‘irlar va yer osti suvlari darajasining sezilarli  oshishi natijasida yuzaga kelgan gidrodinamik bosim sabab bo‘lgan. Natijada qumli-gil tuproqlar cho‘kib, bo‘shliq hosil qilgan, bu esa o‘z navbatida bort mustahkamligining susayishiga olib kelgan.

Aralash ko‘chki muhandislik kommunikatsiyalari, avtomobil va temir yo‘llari, shuningdek, Angren ko‘mir koniga hech qanday xavf tug‘dirmaydi.

Hodisa joyida FVV hamda YPX xodimlari tomonidan muntazam navbatchilik joriy etilgan.