Toshkent shahar hokimligi o‘tgan hafta jurnalistlar bilan bo‘lib o‘tgan uchrashuvda tramvay yo‘llarini demontaj qilish va ularning o‘rnini ta’mirlash ishlari yuzasidan fikr bildirib, xususan, bu masalada “O‘zavtoyo‘l” kompaniyasi tomonidan ayrim ishlar bajarilmaganini ta’kidlagan edi.
Shahar ma’muriyatining ushbu bayonoti yuzasidan Avtomobillar yo‘llari qo‘mitasining “Toshkent shahar mintaqaviy yo‘llarga buyurtmachi xizmati” korxonasi tomonidan 6-iyul kuni munosabat bildirildi, deya xabar bermoqda “Kun.uz”.
Unda, jumladan, Avtomobil yo‘llari qo‘mitasi Toshkent shahar hokimligi rahbariyatini javobgarlikni boshqa tashkilotlarga yuklamaslikka chaqirgan. Shuningdek, qo‘mita poytaxt hokimligidan 3 yil oldingi yuridik hujjatlar bilan chuqurroq tanishib, mohiyatni anglab, undan keyin aniq ma’lumotlar asosida bayonotlar berishni iltimos qilgan.
Xabar berishlaricha, Toshkent shahar hokimligi mazkur masalani o‘rgangan holda tushunmovchilik yuzaga kelganligini ma’lum qildi va buning uchun Avtomobil yo‘llari qo‘mitasi “Toshkent shahar mintaqaviy yo‘llarga buyurtmachi xizmati” korxonasidan uzr so‘radi.
Izoh (0)