Toshkentdagi Shayx Muhammad Sodiq Muhammad Yusuf majmuasida “Hanafiylik — mo‘tadil mazhab” diniy soha xodimlarining nomli ilk anjumani tashkil etildi.
O‘MI matbuot xizmatiga ko‘ra, anjuman aynan mazhablar mavzusida o‘tkazilishi bejiz emas. Shayx hazratlari musulmonlarni doim buyuk ulamolar, ulug‘ mujtahid zotlar yo‘lini mahkam tutish, ummatning birligi, totuvligini ta’minlash, ixtiloflarga barham berishga chaqirib kelgan. Bu yo‘lda yirik asarlar ta’lif etgan.
Anjumanda ishtirok etgan O‘zbekiston musulmonlari idorasi raisi muftiy Usmonxon Alimov va boshqa notiqlar o‘z chiqishlarida “Mujtahid ulamolarning ta’rifi”, “Mazhablarning kelib chiqishi va islom olamidagi ahamiyati”, “Imom Abu Hanifa rohmatullohi alayhning hadis ilmidagi o‘rni” kabi mavzularda ma’ruza qildi.
Shuningdek, tadbirda O‘MI raisi o‘rinbosari, shayx Abdulaziz Mansurov “Islom dinida mo‘tadillik” mavzusida, O‘MI kotibiyat bo‘limi mudiri Muhammadayyub Homidov “Imom Abu Hanifaning hadis borasidagi o‘rni” mavzusida ma’ruzalari bilan ishtirok etdi.
Foto: O‘MI matbuot xizmati
Izoh (0)