Toshkent shahar Yashnobod tumani hokim o‘rinbosari va tumanning maktabgacha ta’lim bo‘limi mudirining telefon orqali muloqoti internet tarmoqlarida tarqaldi.
Tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Sherzod Zufarov va MTB mudiri Viloyat Akramovaning o‘zaro suhbatida tumandagi barcha MTM mudiralarini sobiq “Tashselmash“ hududiga yig‘ilishi so‘ralgan.
Zufarov suhbat davomida Akramovaga barcha MTM mudirlarining bog‘chalarga bozorlik qilib kelishini so‘raydi: “Barcha bog‘cha mudirlaringizga tayinlab yetkazib qo‘ying, bozorlik qilib, yangi mahsulotlar bilan omborlarini to‘ldirib qo‘ysin. Mehmonlar ketganidan keyin hammasi narsalarini uyiga olib ketaverishadi. Oshxonani yog‘ tomsa yalagudek qilib qo‘yishsin. Asosan ijtimoiy soha ob’ektlarini oshxonalariga kirishayotgan ekanda“, deyiladi hokim o‘rinbosari ovozi aks etgan audioda.
Izoh (0)