Тошкентдаги Шайх Муҳаммад Содиқ Муҳаммад Юсуф мажмуасида «Ҳанафийлик — мўътадил мазҳаб» диний соҳа ходимларининг номли илк анжумани ташкил этилди.
ЎМИ матбуот хизматига кўра, анжуман айнан мазҳаблар мавзусида ўтказилиши бежиз эмас. Шайх ҳазратлари мусулмонларни доим буюк уламолар, улуғ мужтаҳид зотлар йўлини маҳкам тутиш, умматнинг бирлиги, тотувлигини таъминлаш, ихтилофларга барҳам беришга чақириб келган. Бу йўлда йирик асарлар таълиф этган.
Анжуманда иштирок этган Ўзбекистон мусулмонлари идораси раиси муфтий Усмонхон Алимов ва бошқа нотиқлар ўз чиқишларида «Мужтаҳид уламоларнинг таърифи», «Мазҳабларнинг келиб чиқиши ва ислом оламидаги аҳамияти», «Имом Абу Ҳанифа роҳматуллоҳи алайҳнинг ҳадис илмидаги ўрни» каби мавзуларда маъруза қилди.
Шунингдек, тадбирда ЎМИ раиси ўринбосари, шайх Абдулазиз Мансуров «Ислом динида мўътадиллик» мавзусида, ЎМИ котибият бўлими мудири Муҳаммадайюб Ҳомидов «Имом Абу Ҳанифанинг ҳадис борасидаги ўрни» мавзусида маърузалари билан иштирок этди.
Фото: ЎМИ матбуот хизмати
Изоҳ (0)