2019-yilning 24-iyun kunidan 30-iyungacha 19 162 ta Yo‘l harakati qoidalari buzilishi faktlari IIBB YHXB YPX inspektorlari tomonidan qayd etilgan bo‘lib, shulardan 3 664 tasi – yo‘l qo‘yilgan qo‘pol qoidabuzarliklardir, deb xabar berdi Toshkent shahar IIBB matbuot xizmati.
O‘tgan hafta davomida YPX inspektorlari tomonidan telefonda gaplashgan haydovchilarga nisbatan 176 ta bayonnomalar tuzildi, va yana uchta bayonnoma – videomonitordan foydalanganlik sababli rasmiylashtirildi.
“Svetoforning taqiqlovchi belgisini mensimasdan o‘z joniga xavf tug‘dirayotgan kimsalar to‘g‘risda ham muntazam ravishda xabar berib boramiz, bu safar O‘zbekiston Respublikasi Ma’muriy javobgarlik to‘g‘risidagi kodeksning 128-4-moddasida ko‘rsatilgan qoidabuzarlikni sodir etgan 193 kishi qayd etildi.
Transport boshqaruvi uchun zarur bo‘lgan hujjatlarsiz (yuqoridagi Kodeksning 135-moddasi) avtomobil boshqargan 349 kishi YPX inspektorlari tomonidan o‘tgan hafta to‘xtatildilar. Chiqish oldidan barcha hujjatlaringiz joyida ekanligiga ishonch hosil qiling”, — deyiladi xabarda.
Transport vositasida piyodalar yo‘lakchalaridan harakatlanish o‘tgan davr ichida 641 marta qayd etildi. Piyodalarning huquqlarini mensimaslikni ham oshirib yuborishgan haydovchilarga O‘zbekiston Respublikasi Ma’muriy javobgarlik to‘g‘risidagi kodeksning 128-moddasiga muvofiq, EKIHning ½ dan 4 baravarigacha jarima solinishi mumkin.
To‘xtash va to‘xtab turish qoidalarini buzgan (O‘zbekiston Respublikasi Ma’muriy javobgarlik to‘g‘risidagi kodeksning 128-6-moddasi) haydovchilarga nisbatan 1 209 ta bayonnomalar rasmiylashtirildi. Ushbu raqamlar oshishi mumkinligi haqida ogohlantirmoqchimiz, yaqinda bu qoidabuzarlik avtomatik tarzda qayd etila boshlaydi.
O‘tgan haftada mast holatda avtomobil boshqarish fakti 80 marta qayd etildi. Ushbu qoidabuzarlkn sodir etgan haydovchilar ro‘yxati bilan quyida tanishish mumkin.
Izoh (0)