2019 йилнинг 24 июнь кунидан 30 июнгача 19 162 та Йўл ҳаракати қоидалари бузилиши фактлари ИИББ ЙҲХБ ЙПХ инспекторлари томонидан қайд этилган бўлиб, шулардан 3 664 таси – йўл қўйилган қўпол қоидабузарликлардир, деб хабар берди Тошкент шаҳар ИИББ матбуот хизмати.
Ўтган ҳафта давомида ЙПХ инспекторлари томонидан телефонда гаплашган ҳайдовчиларга нисбатан 176 та баённомалар тузилди, ва яна учта баённома – видеомонитордан фойдаланганлик сабабли расмийлаштирилди.
«Светофорнинг тақиқловчи белгисини менсимасдан ўз жонига хавф туғдираётган кимсалар тўғрисда ҳам мунтазам равишда хабар бериб борамиз, бу сафар Ўзбекистон Республикаси Маъмурий жавобгарлик тўғрисидаги кодекснинг 128-4-моддасида кўрсатилган қоидабузарликни содир этган 193 киши қайд этилди.
Транспорт бошқаруви учун зарур бўлган ҳужжатларсиз (юқоридаги Кодекснинг 135-моддаси) автомобиль бошқарган 349 киши ЙПХ инспекторлари томонидан ўтган ҳафта тўхтатилдилар. Чиқиш олдидан барча ҳужжатларингиз жойида эканлигига ишонч ҳосил қилинг», — дейилади хабарда.
Транспорт воситасида пиёдалар йўлакчаларидан ҳаракатланиш ўтган давр ичида 641 марта қайд этилди. Пиёдаларнинг ҳуқуқларини менсимасликни ҳам ошириб юборишган ҳайдовчиларга Ўзбекистон Республикаси Маъмурий жавобгарлик тўғрисидаги кодекснинг 128-моддасига мувофиқ, ЭКИҲнинг ½ дан 4 бараваригача жарима солиниши мумкин.
Тўхташ ва тўхтаб туриш қоидаларини бузган (Ўзбекистон Республикаси Маъмурий жавобгарлик тўғрисидаги кодекснинг 128-6-моддаси) ҳайдовчиларга нисбатан 1 209 та баённомалар расмийлаштирилди. Ушбу рақамлар ошиши мумкинлиги ҳақида огоҳлантирмоқчимиз, яқинда бу қоидабузарлик автоматик тарзда қайд этила бошлайди.
Ўтган ҳафтада маст ҳолатда автомобиль бошқариш факти 80 марта қайд этилди. Ушбу қоидабузарлкн содир этган ҳайдовчилар рўйхати билан қуйида танишиш мумкин.
Изоҳ (0)