Qo‘qonda talonchilik qilib 35 million so‘m o‘g‘irlagan 6 nafar shaxs ushlandi

Farg‘ona viloyatining Oltiariq tumanida yashovchi 43 yoshli M.A Lacetti’da tanishining 35 million so‘m pulini Qo‘qondan uning uyiga olib ketayotganda noma’lum shaxslar kuch ishlatish yo‘li bilan tortib olib, voqea joyidan yashiringan.

IIV Jamoatchilik va OAV bilan aloqalar boshqarmasi xabariga ko‘ra, voqea 18-iyun kuni sodir bo‘lgan va holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Oltiariq tumani Tinchlik mahallasida yashovchi 33 yoshli N.S., Qo‘qon shahar A.Navoiy ko‘chasida yashovchilar 31 yoshli B.A., 32 yoshli I.Yu., Uchko‘prik tumanida yashovchi 26 yoshli M.A., Toshkent viloyati Zangiota tumanida yashovchi 30 yoshli U.X. va Toshkent shahar Yashnobod tumanida yashovchi 26 yoshli S.S.lar sodir etganliklari aniqlanib, ushlangan.