Toshkentda 25-iyun kuni UNICEF “Yuksalish” umummilliy harakati bilan birgalikda “Inson kapitalini rivojlantirish: kelajak uchun ta’lim” mavzusida strategik muloqot o‘tkazdi. Bu haqda “Daryo”ga UNICEF’ning O‘zbekistondagi vakolatxonasi ma’lum qildi.
Unda xalq ta’limi, maktabgacha ta’lim, oliy va o‘rta maxsus ta’lim vazirliklari, Vazirlar Mahkamasi huzuridagi Ta’lim sifatini nazorat qilish davlat inspeksiyasi, Bandlik va mehnat munosabatlari vazirligi, boshqa davlat organlari, ilmiy doiralar, BMT va xalqaro tashkilotlar ishtirok etdi.
Shuningdek, pedagoglar, tadbirkorlar va yoshlarning o‘zi ham qatnashgan bo‘lib, O‘zbekistondagi ta’lim sifatini oshirishning dolzarb muammolari va imkoniyatlarini muhokama qilingan.
“Kam ta’minlangan oilalarning farzandlari ta’lim oladigan maktablarda o‘quvchilarning o‘zlashtirish darajasi pastligi kuzatiladi va bu maktablarni qo‘llab-quvvatlash kerak,” — degan UNICEF’ning O‘zbekistondagi vakolatxonas rahbari Sasha Graumann.
“Barcha bolalar sifatli ta’lim olish uchun teng imkoniyatlarga ega bo‘lishlari uchun bunday maktablarni zarur o‘quv materiallari va yuqori malakali o‘qituvchilar bilan ta’minlash zarur,”— deb ta’kidlagan u.
Izoh (0)