25-iyunning e’tiborga molik yangiliklari — “Daryo” dayjestida.
Telegram’dagi “Exo Uzbekistana” kanalida “Bochka”dagi ommaviy mushtlashuv videosi e’lon qilindi.
Ushbu videoda bir guruh yigitlarning bir-birini urib-tepayotganini ko‘rish mumkin.
***
O‘zbekiston Prezidenti Shavkat Mirziyoyev 25-iyun kuni Tashkent City qurilish maydoniga tashrif buyurdi.
Prezident shu kuni Toshkentdagi Islom sivilizatsiyasi markazi qurilish maydonida ham bo‘ldi.
Shundan keyin davlat rahbari Olmazor tumanidagi Vatanparvarlik bog‘i quriladigan va Matonat haykali o‘rnatiladigan joyda bo‘ldi.
Bundan tashqari, Prezident Olmazor tumanida bo‘lib, bu yerda barpo etiladigan G‘alaba bog‘i yuzasidan ko‘rsatmalar berdi.
***
Qozog‘istonning Aris shahrida joylashgan harbiy qismda yuzaga kelgan portlash oqibatida halok bo‘lganlar soni ikki kishiga yetdi.
O‘zbekistonning Olmaota shahridagi Bosh konsulxonasi ma’lumotiga ko‘ra, Aris shahri harbiy qismi hududidagi portlashlar natijasida jabrlanganlar orasida O‘zbekiston fuqarolari mavjud emas.
Ijtimoiy tarmoqlarda Qozog‘istonning Aris shahrida yuz bergan portlashlardan bir kun o‘tib olingan videolar paydo bo‘ldi. Ularda yonib vayron bo‘lgan uylar, avtomobillar va xarobaga aylangan boshqa binolarni ko‘rish mumkin.
Ayni paytda Qozog‘istonning Aris shahrida to‘qqizta minasizlantirish guruhi ishlamoqda.
Aris shahridan evakuatsiya qilingan qozoqlar esa o‘zbeklarning yordamsevarligidan hayratga tushmoqda.
***
Toshkentda taniqli zargar Ahmed Aliyevning ishi bo‘yicha apellyatsiya eshituvi boshlandi.
“Aliyev Zargari” kompaniyasining rahbari, taniqli zargar Ahmed Aliyev ozodlikdan mahrum etilganiga 7 yildan oshdi. Himoya tomoni zargarning ishi yolg‘ondan to‘qib chiqarilgani va sud eshituvi davomida bunga yetarlicha dalillar keltirilishini bildirgan.
***
GM Uzbekistan dileri Chirchiqda yonib ketgan yangi Cobalt uchun kompensatsiya to‘ladi.
2018-yil 22-sentabr kuni avtomashina turgan joyida yonib ketgan. Voqea joyiga yetib kelgan yong‘in xavfsizlik xizmatining xulosalari va ekspertiza xulosasining natijalariga ko‘ra, avtomobildagi mavjud elektr simlaridagi nosozlik tufayli yong‘in kelib chiqqan.
Izoh (0)