Samarqand shahrining Mirzo Ulug‘bek ko‘chasida yo‘l-transport hodisasi ro‘y berdi. Ijtimoiy tarmoqlarda tarqalgan ushbu yo‘l-transport hodisasi haqidagi video tasvirda yo‘lning narigi tomonidan katta tezlikda kelayotgan avtomobil ag‘darilib, yo‘lning bu tomoniga o‘tib, boshqa mashinalarga borib urilgan.
Voqea 20-iyun oqshomida yuz bergan. Ushbu holat yuzasidan viloyat ichki ishlar boshqarmasi boshlig‘i Aziz Toshpo‘latov 21-iyun kuni viloyat hokimligida bo‘lib o‘tgan matbuot anjumanida ma’lumot berdi.
— Ushbu yo‘l-transport hodisasi ko‘rinishidan juda vahimali, dahshatli. Lekin biron-bir o‘lim holati ro‘y bergani yo‘q. Yo‘l chetida turgan fuqarolarga shikast yetgan. Haydovchi texnik nosozlik tufayli mashinani boshqara olmay qolgan, — dedi Aziz Toshpo‘latov.
Izoh (0)