Bugun, 21-iyun kuin Samarqand viloyat hokimligida huquqni muhofaza qilish organlari viloyat bo‘limlari rahbariyati va sud raislari ishtirokida OAV xodimlari uchun matbuot anjumani o‘tkazildi. Unda viloyat miqyosidagi ko‘plab muammoli holatlarga oydinlik kiritildi.
“Daryo” muxbirining xabar berishicha, 2018-yilda Samarqand shahrida qurilayotgan bino va inshootlar O‘zbekiston Respublikasi Qurilish vazirligi va boshqa tegishli organ xodimlari tomonida o‘tkazilgan xatlov natijasiga ko‘ra, 159 ta obyektda qonun buzilish holatlari aniqlangan. Ushbu holatlar bo‘yicha respublika komissiyasining xulosasiga ko‘ra 17 ta obyektni to‘liq yoki qisman buzish kerak deb topilgan.
– 17 ta obyektni buzish uchun loyiha smeta hujjatlari tuzilgan va shu hujjatlarga asosan bugungi kunda 17 milliard so‘mga yaqin mablag‘lar sarflanishi hisoblab chiqilgan, — deydi viloyat prokurorining o‘rinbosari Sirojiddin Usmonov. – Buzilishi lozim deb topilgan obyektlarning 3 tasi Dahbet ko‘chasidagi 14, 45 hamda Mironshoh ko‘chasidagi 4-uy hisoblanadi. Xatlovga qadar shahar iqtisodiy sudining obyektlarni buzish to‘g‘risida hal qiluv qarorlari mavjud bo‘lib, 13 ta obyektni buzish bo‘yicha fuqarolik ishlari bo‘yicha Samarqand shahar sudiga da’vo arizasi kiritilgan. Shundan 8 ta da’vo arizasi to‘liq va qisman qanoatlantirilib, bittasi rad etilgan.
Matbuot anjumanida ma’lum qilishicha, Majburiy ijro byurosi tomonidan 13 ta obyektni buzish uchun ijro hujjatlari rasmiylashtirilgan bo‘lib, hozirda ijro harakatlari davom ettirilmoqda.
Respublika komissiyasining xulosasiga asosan viloyat miqyosida hal etilishi lozim bo‘lgan 141 ta obyektning 12 tasi belgilangan me’yordan chetga chiqqan. 129 tasining fasad qismi Madaniyat vazirligi bilan kelishish bo‘yicha loyiha takliflari ishlab chiqilib, shaharsozlik kengashiga yuborilgan. Shundan 116 ta obyektning loyiha taklifi va joylashuvi ma’qullanib, 9 tasi rad etilgan va 16 ta taklif qaytarilgan.
– Viloyat prokuraturasi organi tomonidan noqonuniy qurilishlar tomonidan doimiy tekshiruvlar olib borilib viloyat bo‘yicha 100 dan ortiq noqonuniy qurilishlar olib borilayotganligi aniqlangan. Ularni buzish bo‘yicha hujjatlar rasmiylashtirilib sudlarga yuborilgan, — deydi viloyat prokurorining o‘rinbosari Sirojiddin Usmonov. – Samarqand shahar hokimligining qurilish bo‘yicha chiqarilgan 19 ta qaroriga prokuratura tomonidan protest keltirilib, qarorlar bekor qilingan.
Viloyat prokurori o‘rinbosari Samarqand shahridagi Qorasuv massivida bo‘lgan noqonuniy qurilishlar bo‘yicha ham ma’lumot berib o‘tdi. Xususan, Samarqand davlat o‘rmon xo‘jaligining Dahbet-1 uchastkasi hududidagi yerlarni noqonuniy ravishda fuqarolarga sotib yuborganligi holati yuzasidan Samarqand tuman prokuraturasi tomonidan Jinoyat Kodeksining 168-moddasi (firibgarlik) va 228-moddasi 1-qismi (soxtalashtirish) bo‘yicha jinoyat ishi ochilib tergov harakatlari olib borilmoqda.
Aynan shu tergov harakatlari davomida 116 nafar fuqaroga bog‘dorchilik-uzumchilik tashkil qilishi uchun 9,5 gektar yer maydoni ajratilgan bo‘lsa-da, ular shirkat tashkil qilmasdan yer kodeksining 56-talablariga zid ravishda noqonuniy uy-joy qurishgan. 7 nafar fuqaro 87 sotix yer maydonini o‘zboshimchalik bilan egallab olgan.
Samarqand tuman hokimining qarori bilan 123 nafar fuqaroning 62 nafari yer maydonini devor bilan o‘raganligi, 23 nafari poydevor qo‘yganligi, 23 nafari uy-joy qurganligi va 17 nafari tosh to‘kkanligi aniqlangan. Fufarolik ishlari bo‘yicha Tayloq tumanlararo sudiga kiritilgan da’vo arizalari asosida 119 ta noqonuniy joylarni buzish bo‘yicha sud hukmi chiqarilgan. Shuningdek, tuman hokimining qarori bilan 42 nafar va o‘rmon xo‘jaligining yig‘ilish bayoni bilan 4 nafar fuqaroga tadbirkorlikni rivojlantirish uchun 38,5 gektar yer maydoni noqonuniy tarzda berilgan. Tergov harakatlari olib borilmoqda.
– Tergov jarayonida 19 ta holatda Samarqand viloyati o‘rmon xo‘jaligining sobiq rahbarlari tomonidan jami 143500 AQSh dollariga yer maydonlari fuqarolarga noqonuniy sotganligi aniqlanib, shu zararlar to‘liq fuqarolarga qaytarib berilgan. Hozirda mazkur holatlar bo‘yicha tergov harakatlari olib borilmoqda, — deydi viloyat prokurorining o‘rinbosari Sirojiddin Usmonov.
Samarqand viloyati prokurori o‘rinbosari Sirojiddin Usmonov xalq orasida Umarboy deb tanilgan Umar Rajabovning o‘g‘li Olim Rajabov fuqarolarga qancha miqdorda zarar yetkazgani haqida ham to‘xtalib o‘tdi. Prokuratura xodimining aytishicha, Olim Rajabov “Afrosiyob Xosiyat Begim Makoni” nomli MChJ ochgan va Samarqand shahrining qator yerlarida ko‘p qavatli uylar qurgan.
Ma’lum bo‘lishicha, Dahbet va Mironshoh ko‘chalarida ko‘p-qavatli uylar qurgan Olim Rajabov fuqarolardan 50 milliard 578 million so‘m miqdorida mablag‘ni talon-taroj qilgan, ya’ni shuncha miqdorda noqonuniy qurilgan uylarni sotgan. MIB tomonidan Olim Rajabovga tegishli 20 milliard 600 million so‘mlik mol-mulk musodara qilingan.
Izoh (0)