O‘zbekistonda shamol elektr stansiyalari quriladi. Bu borada loyihani Birlashgan Arab Amirligi kompaniyasi bilan hamkorlikda amalga oshirish to‘g‘risida Prezident qarori loyihasi tayyorlandi, deb yozadi Sputnik.
Qaror loyihasida aytilishicha, Abu Dhabi Future Energy Company PJSC – Masdar kompaniyasi bilan shamol elektr stansiyalarini qurish bo‘yicha investitsiya loyihasi amalga oshirish rejalashtirilgan.
Hujjatga ko‘ra, O‘zbekiston Prezidentining 2019-yil 24—26-mart kunlari Birlashgan Arab Amirligiga rasmiy tashrifi doirasida Investitsiya va tashqi savdo vazirligi va Abu Dhabi Future Energy Company PJSC – Masdar o‘rtasida umumiy quvvati 500 MVt shamol elektr stansiyalarni qurish bo‘yicha investitsiya shartnomasi imzolanganligi belgilangan.
Shartnomada shamol elektr stansiyalarini qurish, foydalanish, moliyalashtirish bo‘yicha loyihani bosqichma-bosqich amalga oshirish ko‘zda tutilgan.
Qaror loyihasida 2019-yil 1-dekabrgacha White & Case kompaniyasi va moliyaviy konsultantni jalb qilishni ta’minlash to‘g‘risida Energetika vazirligiga topshiriq bayon etilgan.
Izoh (0)