O‘zbekistondagi oromgohlarga har yili Favqulodda vaziyatlar va IIVning sohaviy xizmat xodimlari biriktirilib, ogomgoh xodimlarining xavfsizlik, yong‘in xavfsizligi qoidalari talablariga rioya etilishi, favqulodda vaziyatlarda to‘g‘ri harakat qilish tartiblarini bilishi, oromgoh hududi va xonalarida yong‘inga qarshi rejim saqlanayotganligi nazorat qilinmoqda. Bu haqda FVV Yong‘in xavfsizligi bosh boshqarmasi matbuot xizmati xabar berdi.
Bundan tashqari, mavsum davrida esa bolalarni sog‘lomlashtirish va dam oldirish bo‘yicha Respublika ishchi guruhi tuzilib, unda Favqulodda vaziyatlar va IIV markaziy apparati xodimlari boshqa taalluqli vazirlik va idoralar vakillari bilan hamkorlikda doimiy ravishda barcha oromgohlarning xavfsizlik holati va bolalar uchun yaratilgan shart-sharoitlar o‘rganilib boriladi.
Shuningdek, bolalarning mustahkam qo‘riqlanishini ta’minlash maqsadida oromgoh xodimlarining tun-u kun navbatchiligi tashkil etilgan.
Bu ishlarning samarasini yanada oshirish maqsadida oromgohlarga biriktirilgan xodimlar tomonidan ko‘rgazmali targ‘ibot materillari hamda maxsus texnikalar yordamida bolalar bilan turli uchrashuvlar, tushuntirish ishlari, viktorinalar, ko‘rik tanlovlar va davra suhbatlari o‘tkazib kelinmoqda.
Izoh (0)