Eron chetdan bo‘ladigan har qanday tajovuzga qat’iy javob berishini bildirdi. “Exo Moskvi”ning xabar berishicha, bu haqda Islom inqilobi qo‘riqchilari korpusi qo‘mondoni ma’lum qildi.

General-mayor Husayn Salomiy
Foto: AP

U tegishli bayonotni Eron go‘yoki mamlakat havo hududini buzgan Amerika dronini urib tushirganidan so‘ng e’lon qilgan. Shu bilan birga, avvalroq AQSh davlat kotibi Mayk Pompeo Vashington Tehron bilan nizolashmochi emasligini bildirgan.

Shunday bayonotni qarshi tomon ham bildirgan. Eron prezidenti Hasan Ruhoniy uning mamlakati hech qaysi davlat bilan urishish niyati yo‘qligini aytgan.

Pentagon dron halokatga uchraginini rasman tasdiqlamagan. Biroq, Reuters’ning AQSh Qurolli kuchlaridagi manbasi qayd etishicha, apparat haqiqatan ham urib tushirilgan, ammo Eron havo hududida emas, xalqaro havo hududida.