Futbol bo‘yicha Kopa Amerika—2019 musobaqasining “B” guruhida 19-iyun, chorshanba kuni 2-tur bahslari o‘z nihoyasiga yetdi.
Kunning dastlabki uchrashuvida Kolumbiya terma jamoasi Qatar termasiga qarshi maydonga tushdi.
Bellashuvdagi yagona gol 86-daqiqada kiritildi. Unga kolumbiyalik Duvan Sapata mualliflik qildi.
Shu tariqa Kolumbiya terma jamoasi Qatarni mag‘lub etib, muhim 3 ochkoga ega bo‘ldi.
Mazkur g‘alabadan so‘ng Kolumbiya musobaqaning “B” guruhida ochkolari sonini 6 taga yetkazib oldi va guruhda yetakchilikni o‘z qo‘liga oldi. Qatar esa 1 ochko bilan 3-o‘rinni egallab turibdi.
Lionel Messi yetakchiligidagi Argentina terma jamoasi esa Paragvay bilan bahsga kirishdi.
O‘yinning 37-daqiqasida Paragvay yarim himoyachisi Richard Sanches hisobni ochgan bo‘lsa, 57-daqiqaga kelib esa Argentina sardori Lionel Messi 11 metrlik jarima zarbasidan raqib darvozasini aniq nishonga oldi va hisobni tenglashtirdi (1:1).
Bahs yakuniga ko‘ra Argentina termasi Paragvay bilan durang o‘ynadi va jamoalar 1 ochkodan bo‘lishib oldi.
Ushbu turdan so‘ng Paragvay 2 ochko to‘plab, guruhda 2-o‘rindan joy olgan bo‘lsa, Argentina 1 ochko bilan so‘nggi o‘ringa tushib qoldi.
Kopa Amerika—2019
2-tur bahlari
19-iyun, chorshanba
“B” guruhi
Kolumbiya—Qatar 1:0
Gol: 1:0 — 86 SapataArgentina—Paragvay 1:1
Gollar: 0:1 — 37 Sanches, 1:1 — 57, penalti, MessiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)