Qashqadaryodagi gaz quyish shoxobchasida haydovchi yo‘lovchining 10 mln so‘mdan ko‘proq pulini o‘g‘irladi

Qashqadaryoda joylashgan gaz quyish shoxobchasida talonchilik holati kuzatildi, deb xabar berdi IIV Jamoatchilik va OAV bilan aloqalar boshqarmasi.

17-iyun kuni Qashqadaryo viloyatining Qamashi tumanida yashovchi X.Sh IIBga murojaat qilib, unda shu yil 16-iyun kuni soat 18.30 larda Qamashi tumanida yashovchi 19 yoshli O.T. boshqaruvidagi Nexia rusumli avtomashinasiga Toshkent shahridan yo‘lovchi sifatida o‘tirib, ular 17-iyun kuni Qashqadaryo viloyatining Chiroqchi tumanidagi avtomashinalarga gaz quyish shahobchasiga kelganlarida haydovchi X.Shni gaz quyish shahobchasida avtomashinadan tushirib, turishini so‘rab O.Tning avtomashina yukxonasida bo‘lgan 10 700 000 so‘m pulini talonchilik yo‘li bilan olib ketganligini ma’lum qilgan.

Ko‘rilgan choralar natijasida O.T ushlangan. Holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.