O‘zbekiston Respublikasi Prezidentining 2019-yil 27-maydagi PF-5730 sonli farmoniga muvofiq Ilhomjon Abdug‘afforov O‘zbekiston Respublikasi Markaziy banki raisining o‘rinbosari etib tayinlandi. Bu haqda Markaziy bank matbuot xizmati xabar berdi.
Ilhomjon Abdug‘afforov 1973-yilda Toshkent shahrida tug‘ilgan, millati o‘zbek, ma’lumoti oliy. 1995-yilda Toshkent Davlat universitetini, 2000-yilda O‘zbekiston Respublikasi Fanlar Akademiyasi Kibernetika instituti aspiranturasini tamomlagan. Amaliy matematika mutaxassisligiga ega. Shuningdek texnika fanlar nomzodi hisoblanadi.
Bunga qadar, O‘zbekiston Respublikasi Markaziy bankining to‘lov tizimlari va axborot texnologiyalari departamenti direktori lavozimida ishlab kelgan.
Izoh (0)