Ўзбекистон Республикаси Президентининг 2019 йил 27 майдаги ПF-5730 сонли фармонига мувофиқ Илҳомжон Абдуғаффоров Ўзбекистон Республикаси Марказий банки раисининг ўринбосари этиб тайинланди. Бу ҳақда Марказий банк матбуот хизмати хабар берди.
Илҳомжон Абдуғаффоров 1973 йилда Тошкент шаҳрида туғилган, миллати ўзбек, маълумоти олий. 1995 йилда Тошкент Давлат университетини, 2000 йилда Ўзбекистон Республикаси Фанлар Академияси Кибернетика институти аспирантурасини тамомлаган. Амалий математика мутахассислигига эга. Шунингдек техника фанлар номзоди ҳисобланади.
Бунга қадар, Ўзбекистон Республикаси Марказий банкининг тўлов тизимлари ва ахборот технологиялари департаменти директори лавозимида ишлаб келган.
Изоҳ (0)