Departamentning viloyat boshqarmasi xodimlari tomonidan Jondor tumanida yashovchi fuqaro O.F.ning arizasi yuzasidan tezkor tadbir o‘tkazildi. Bu haqda Buxoro viloyat IIB matbuot xizmati xabar bermoqda.
Buxoro shahrida yashovchi, 1974-yilda tug‘ilgan, yakka tartibda ishlovchi, muqaddam sudlangan Z.Q. fuqaro O.F.ni aldab, uni Buxoro neftni qayta ishlash zavodiga ishga kiritish evaziga 300 AQSh dollari miqdorida pora berishga undagani aniqlandi.
U joriy yil 14-may kuni soat 11.05 larda Turdi Farog‘iy ko‘chasi hududida kimyoviy ishlov berilgan 300 dollarni olgan vaqtida ushlanib, tegishli tartibda rasmiylashtirilgan.
Ushbu holat yuzasidan JKning 168-moddasi 1-qismi bilan jinoyat ishi qo‘g‘atilgan.
Izoh (0)