O‘zbekiston ilk marotaba mezbonlik qilayotgan velosportning shosse yo‘nalishi bo‘yicha Osiyo chempionatida o‘zbekistonlik velosportchi Olga Zabelinskaya oltin medalni qo‘lga kiritdi, deb xabar berdi Jismoniy tarbiya va sport vazirligi.
27-aprel sanasida ayollar o‘rtasida 112,8 kilometr masofaga elit guruh poygalari o‘tkazildi. Ushbu bahslarda sportchilar medal bilan birga Tokio—2020 Olimpiadasi yo‘llanmasi uchun bahs olib bordi.
Marra chizig‘iga birinchi bo‘lib yetib kelgan o‘zbekistonlik velosportchi Olga Zabelinskaya qit’a birinchiligidagi ikkinchi oltin medalini hamda Tokio Olimpiadasiga yo‘llanmani qo‘lga kiritdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)