AQSh “Hizbulloh”ning teraktlarni qo‘llab-quvvatlashga qaratilgan moliyaviy operatsiyalarga chek qo‘yishga imkon beradigan ma’lumotlar uchun 10 million dollargacha mukofot joriy qiladi. Bu haqda Davlat kotibi yordamchisi Maykl Evanoff ma’lum qildi, deya xabar beradi “TASS”.
“Biz ‘Hizbulloh’ mablag‘lari oqimiga to‘siq qo‘yish niyatidamiz. Bizga bu borada kelib tushadigan barcha ma’lumotlar sir saqlanadi. Buning uchun adliya vazirligi saytidan foydalanish mumkin”, —dedi Evanoff.
Qayd etilishicha, AQSh Moliya vazirligi “Hizbulloh”ga qarshi moliyaviy cheklovlar yuzasidan 2017-yildan beri qator choralar ko‘rib kelmoqda. Jumladan, bunda gumon qilingan Argentina va Paragvaydan tortib Gambiyagacha bo‘lgan hududlarda 40 ga yaqin shaxs va tashkilotlar nomi e’lon qilingan.
Izoh (0)