АҚШ «Ҳизбуллоҳ»нинг терактларни қўллаб-қувватлашга қаратилган молиявий операцияларга чек қўйишга имкон берадиган маълумотлар учун 10 миллион долларгача мукофот жорий қилади. Бу ҳақда Давлат котиби ёрдамчиси Майкл Эванофф маълум қилди, дея хабар беради «ТАСС».
«Биз ‘Ҳизбуллоҳ’ маблағлари оқимига тўсиқ қўйиш ниятидамиз. Бизга бу борада келиб тушадиган барча маълумотлар сир сақланади. Бунинг учун адлия вазирлиги сайтидан фойдаланиш мумкин», —деди Эванофф.
Қайд этилишича, АҚШ Молия вазирлиги «Ҳизбуллоҳ»га қарши молиявий чекловлар юзасидан 2017 йилдан бери қатор чоралар кўриб келмоқда. Жумладан, бунда гумон қилинган Аргентина ва Парагвайдан тортиб Гамбиягача бўлган ҳудудларда 40 га яқин шахс ва ташкилотлар номи эълон қилинган.
Изоҳ (0)