Joriy yilning 23-aprel kuni Chilonzor tuman hokimi S. Maxametov tumanning “Xontopi” va “Yakkabog‘” mahalla hududlari chegarisidagi tashlandiq holatga tushib qolgan qabriston obodonlashtirilib, yangi “Shayx Muhammad Sodiq Muhammad Yusuf” jome’ masjidining qurilish jarayonini kuzatib, maydonning har bir qarichini ko‘zdan kechirib chiqib, bajarilishi kerak bo‘lgan ishlar, kamchiliklarni ko‘zdan kechirdi. Masjidda qurilish ishlari jadallik bilan davom etmoqda. Bu haqda Chilonzor tumani hokimligi matbuot xizmati xabar bermoqda.
Loyihaga ko‘ra, masjid hududi namozxona, ayollar namozxonasi, tahorat xonalari, minora, 3 ta kirish peshtoqi, “So‘galli Ota” maqbarasi, anjumanlar saroyi, tashqi va ichki favvoralar, masjid sahni, avtoulovlar uchun to‘xtash joyi va h.k.lardan iborat. Umumiy yer maydoni – 21180 kv.m.
Izoh (0)