OChL. “Paxtakor” bugun Xavi va Gabisi bor “As-Saad”ni qabul qiladi, “Lokomotiv” esa safarda “Al-Ittihod” mehmoni bo‘ladi

9-aprel, seshanba kuni futbol bo‘yicha Osiyo Chempionlar Ligasi guruh bosqichining 3-tur bahslari doirasida navbatdagi uchrashuvlar bo‘lib o‘tadi.

“D” guruhida Toshkentning “Paxtakor” klubi o‘z maydonida Qatarning “As-Sadd” jamoasini qabul qiladi. Bellashuv soat 19:00 da start oladi. Ta’kidlash joiz, “As-Sadd” safida Xavi va Gabi ham maydonga tushadi. Ma’lumot uchun “sherlar” so‘nggi bosqichda “Al-Ahli”ni Marat Bikmayevning yagona goli evaziga yutgandi (1:0).

Shu kuni “B” guruhidan o‘rin olgan uchrashuvda Toshkentning yana bir klubi “Lokomotiv” safarda Saudiya Arabistonining “Al-Ittihod” jamoasiga qarshi maydonga tushadi. O‘yin Jidda shahridagi “Qirol Abdulla” stadionida Toshkent vaqti bilan soat 22:45 da boshlanadi. Eslatib o‘tamiz, “temiryo‘lchilar” 2-turda “Ar-Rayyan”ga kichik hisobda mag‘lub bo‘lgandi (1:2).