5-aprel, juma kuni futbol bo‘yicha Angliya premyer ligasining 33-turida “Liverpul” hujumchisi Muhammad Saloh “Sauthempton”ga qarshi o‘yinda gol urdi (3:1).
26 yoshli misrlik “qizillar” uchun joriy yilning 9-fevralidan buyon ilk marotaba gol urdi va barcha musobaqalarni hisoblaganda 8 ta uchrashuvdan iborat golsiz seriyasiga barham berdi.
Bu Salohning “Liverpul” safida Premyer liga doirasidagi 50-goli hisoblanadi. U ushbu gollarni 69 ta o‘yinda urishga muvaffaq bo‘ldi. Musobaqa tarixida Salohdan tezroq bu natijaga Rud van Nistelroy (68 ta o‘yin) va Alan Shirer (66 ta o‘yin) erishgan.
Saloh 50 talik dovondan o‘tish bo‘yicha “Liverpul” tarixidagi eng yaxshi natijani qayd etdi:
- Muhammad Saloh — 60 ta o‘yinda
- Fernando Torres — 72 ta o‘yinda
- Luis Suares — 86 ta o‘yinda
- Robbi Fauler — 88 ta o‘yinda
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)