Joriy yilning 19-mart kuni Navoiy shahrida Navoiy viloyati IIB JQB Korrupsiya va iqtisodiy jinoyatlarga qarshi kurashish bo‘limi xodimlari tomonidan tezkor tadbir o‘tkazildi, deb xabar berdi O‘zA.
Tezkor tadbir davomida muddatli harbiy hizmatni o‘tashga jo‘natilayotganlarni tibbiy ko‘rikdan o‘tkazish maqsadida doimiy tibbiy chaqiruv komissiyasi tarkibiga kiritilgan Navoiy viloyati bolalar ko‘p tarmoqli tibbiyot markazi chaqiruvchilariga tibbiy xizmat ko‘rsatish bo‘limi dermatolog shifokori U.E fuqaro A.B dan Navoiy shahar Sputnik qo‘rg‘onida joylashgan Navoiy viloyati bolalar ko‘p tarmoqli tibbiyot markazi chaqiriluvchilarga tibbiy xizmat ko‘rsatish bo‘limi binosining 23-xizmat xonasida talab qilgan 4 million 500 ming so‘m pullarni pora sifatida olgan vaqtda ashyoviy dalillar bilan ushlandi.
Mazkur holat yuzasidan dastlabki tergov oldi tekshiruv harakatlari olib borilmoqda.
Izoh (0)