5-aprelning e’tiborga molik yangiliklari — “Daryo” dayjestida.
Samarqandning Urgut tumanida yog‘gan do‘l mashinalar va uylarga zarar yetkazdi.
Shuningdek, 5-aprel kuni tongda Samarqand viloyatining tog‘li tumanlarida kuchli sel keldi. Jumladan, Urgut, Bulung‘ur, Qo‘shrabot, Ishtixon tumanlarida soylar to‘lib suv oqqan.
Qashqadaryoda yoqqan kuchli yomg‘ir va do‘l esa qishloq yo‘llarini vayron qildi.
***
31-mart kuni Buxoro Davlat universiteti Tarixiy va madaniy meros fakulteti tarix ta’limi yo‘nalishi, 4-bosqich talabasi D.B. o‘zini osib qo‘ygan.
1996-yilda G‘ijduvon tumanida tug‘ilgan talaba qiz Buxoro shahridagi akasining uyida o‘zini osgan.
***
O‘zbekistonda haydovchilik guvohnomasini almashtirish tartibi soddalashtirildi.
O‘zbekistonda haydovchilar qayerda ro‘yxatdan o‘tganidan qat’i nazar 2019-yil 1-apreldan haydovchilik guvohnomalarini Davlat xizmatlari markazlarida almashtirishi mumkin.
***
Huquqbuzarliklar profilaktikasi inspektori: “Afrosiyob” poyezdi oynasini sindirgan shaxs 2 ming dollar zarar yetkazadi.
Ichki ishlar vazirligi Transportda xavfsizlikni ta’minlash bosh boshqarmasi va “O‘zbekiston temir yo‘llari” tomonidan o‘tkazilgan “Temir yo‘llarda xavfsiz kun” targ‘ibot tadbirida “Afrosiyob” tezyurar poyezdini bir dona oynasi 2 ming dollarga teng ekani aytildi.
***
O‘zbekistonda 5 kun ichida 258 nafar fohisha qo‘lga olindi.
O‘zbekistonda o‘tkazilgan ushbu reydlar davomida fohishabozlik, qo‘shmachilik va bolalar savdosi kabi holatlar aniqlangan. Xususan, tungi klublar, mehmonxonalar va saunalarda uyushtirilgan 2 861 ta reyd davomida 258 nafar yengiltabiat ayol qo‘lga olingan. Ular bilan profilaktik suhbatlar o‘tkazilgan. 87 nafar qonunbuzarga nisbatan ma’muriy jazo qo‘llanilgan.
Izoh (0)