Jinoyat ishlari bo‘yicha Toshkent shahar sudida sudlanuvchilar Toshkent shahar savdo va ishlab chiqarish departamenti boshlig‘i lavozimida ishlagan R. Abdumajitov, “Toshkent oziq-ovqat zahirasi” DK direktori lavozimida ishlagan R.Rasulov, “Iste’molda bo‘lgan transport vositalari va ehtiyot qismlari Sergeli bozoril MChJ direktori lavozimida ishlagan D. Orifjonov, “Navro‘z davlat qabullar uyi” DK direktori lavozimida ishlagan D. Tillaxo‘jayev, “Yunusobod dehqon bozori” AJ direktori lavozimida ishlagan O. Mustayev, “Yunusobod dehqon bozori” AJ direktori lavozimida ishlagan B. Yusupov, “O‘rikzor savdo kompleksi” MChJ direktori lavozimida ishlagan D. Muratov, “Poytaxt Nastarin Gullari” MChJ ta’sischisi B. Abdumajitov, Toshkent shahar hokimligi Binolardan foydalanish departamenti boshlig‘i lavozimida ishlagan F. Mirxaydarov, “Chorsu buyum savdo kompleksi” AJ direktori lavozimida ishlagan I. Sabirov, “Chilonzor buyum savdo kompleksi” AJning yuk saqlash omborxonasida nazoratchi-kassir lavozimida ishlagan A. Odilov, “Chilonzor buyum savdo kompleksi” AJning shartnoma va nazorat bo‘limi boshlig‘i lavozimida ishlagan Sh. Tursunov, “Eski Juva dexqon bozori” AJ direktori lavozimida ishlagan O. Masharipov, “Chilonzor buyum savdo kompleksi” AJ direktori lavozimida ishlagan D. Mirtojiyev, “Bek to‘pi savdo kompleksi” MChJ direktori lavozimida ishlagan B. Toshmatov, “Chilonzor buyum savdo kompleksi” AJning yuk saqlash omborxonasi brigadiri lavozimida ishlagan S. Jamolov, “Manzur guzari” MChJ rahbari B. Rixsibayev, “Toshkent Tantana Servis” MChJ direktori lavozimida ishlagan M. Sultonov, “Toshkent Sayohat Servis” MChJ direktori M. Muminov, “Imkon Agro” MChJ direktori F. Ahmadjonov, vaqtincha ishsiz A. Usmonov va Z. Avazovlarga nisbatan jinoyat ishini ko‘rib chiqish bo‘yicha ochiq sud bo‘lib o‘tmoqda. Bu haqda “Daryo”ga Oliy sud matbuot xizmati ma’lum qildi.
Ma’lum qilinishicha, mazkur jinoiy ish jinoyat ishlari bo‘yicha Toshkent shahar sudi sudyasi Sarvar Karimov raisligida hamda xalq maslahatchilari A. Nishonov va M. Mirag‘zamovdan iborat sud tarkibida ko‘rib chiqilmoqda.
Sudlanuvchilar Jinoyat kodeksining 165 (tovlamachilik), 167 (o‘zlashtirish yoki rastrata yo‘li bilan talon-taroj qilish), 168 (firibgarlik), 184 (soliqlar yoki boshqa majburiy to‘lovlarni to‘lashdan bo‘yin tovlash), 189 (savdo yoki xizmat ko‘rsatish qoidalarini buzish), 192-1 (xususiy mulk huquqini buzish), 205 (hokimiyat yoki mansab vakolatini suiiste’mol qilish), 208 (hokimiyat harakatsizligi), 209 (mansab soxtakorligi), 210 (pora olish), 228 (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish), 243 (jinoiy faoliyatdan olingan daromadlarni legallashtirish) va boshqa moddalarida nazarda tutilgan jinoyatlarni sodir etganlikda ayblanmoqdalar.
Ma’lumot uchun, o‘tgan yilning avgustida Toshkentda Savdo departamenti va qator bozorlar rahbarlari hibsga olingandi.
Izoh (0)