Жиноят ишлари бўйича Тошкент шаҳар судида судланувчилар Тошкент шаҳар савдо ва ишлаб чиқариш департаменти бошлиғи лавозимида ишлаган Р. Абдумажитов, «Тошкент озиқ-овқат заҳираси» ДК директори лавозимида ишлаган Р.Расулов, «Истеъмолда бўлган транспорт воситалари ва эҳтиёт қисмлари Сергели бозорил МЧЖ директори лавозимида ишлаган Д. Орифжонов, «Наврўз давлат қабуллар уйи» ДК директори лавозимида ишлаган Д. Тиллахўжаев, «Юнусобод деҳқон бозори» АЖ директори лавозимида ишлаган О. Мустаев, «Юнусобод деҳқон бозори» АЖ директори лавозимида ишлаган Б. Юсупов, «Ўрикзор савдо комплекси» МЧЖ директори лавозимида ишлаган Д. Муратов, «Пойтахт Настарин Гуллари» МЧЖ таъсисчиси Б. Абдумажитов, Тошкент шаҳар ҳокимлиги Бинолардан фойдаланиш департаменти бошлиғи лавозимида ишлаган Ф. Мирхайдаров, «Чорсу буюм савдо комплекси» АЖ директори лавозимида ишлаган И. Сабиров, «Чилонзор буюм савдо комплекси» АЖнинг юк сақлаш омборхонасида назоратчи-кассир лавозимида ишлаган А. Одилов, «Чилонзор буюм савдо комплекси» АЖнинг шартнома ва назорат бўлими бошлиғи лавозимида ишлаган Ш. Турсунов, «Эски Жува дехқон бозори» АЖ директори лавозимида ишлаган О. Машарипов, «Чилонзор буюм савдо комплекси» АЖ директори лавозимида ишлаган Д. Миртожиев, «Бек тўпи савдо комплекси» МЧЖ директори лавозимида ишлаган Б. Тошматов, «Чилонзор буюм савдо комплекси» АЖнинг юк сақлаш омборхонаси бригадири лавозимида ишлаган С. Жамолов, «Манзур гузари» МЧЖ раҳбари Б. Рихсибаев, «Тошкент Тантана Сервис» МЧЖ директори лавозимида ишлаган М. Султонов, «Тошкент Саёҳат Сервис» МЧЖ директори М. Муминов, «Имкон Агро» МЧЖ директори Ф. Аҳмаджонов, вақтинча ишсиз А. Усмонов ва З. Авазовларга нисбатан жиноят ишини кўриб чиқиш бўйича очиқ суд бўлиб ўтмоқда. Бу ҳақда «Дарё»га Олий суд матбуот хизмати маълум қилди.
Маълум қилинишича, мазкур жиноий иш жиноят ишлари бўйича Тошкент шаҳар суди судьяси Сарвар Каримов раислигида ҳамда халқ маслаҳатчилари А. Нишонов ва М. Мирағзамовдан иборат суд таркибида кўриб чиқилмоқда.
Судланувчилар Жиноят кодексининг 165 (товламачилик), 167 (ўзлаштириш ёки растрата йўли билан талон-тарож қилиш), 168 (фирибгарлик), 184 (солиқлар ёки бошқа мажбурий тўловларни тўлашдан бўйин товлаш), 189 (савдо ёки хизмат кўрсатиш қоидаларини бузиш), 192-1 (хусусий мулк ҳуқуқини бузиш), 205 (ҳокимият ёки мансаб ваколатини суиистеъмол қилиш), 208 (ҳокимият ҳаракатсизлиги), 209 (мансаб сохтакорлиги), 210 (пора олиш), 228 (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш), 243 (жиноий фаолиятдан олинган даромадларни легаллаштириш) ва бошқа моддаларида назарда тутилган жиноятларни содир этганликда айбланмоқдалар.
Маълумот учун, ўтган йилнинг августида Тошкентда Савдо департаменти ва қатор бозорлар раҳбарлари ҳибсга олинганди.
Изоҳ (0)