Toshkentning Mirzo Ulug‘bek tumanidagi “Alisher Navoiy” nomli mahallada Mudofaa vazirligi sport klubi tomonidan qurilgan kichik sport maydonchasi foydalanishga topshirildi. Bu haqda vazirlik matbuot xizmati “Daryo”ga xabar berdi.
Tantanli tadbirda Mudofaa vazirligi mas’ul ofitserlari, tuman xokimligi vakillari ishtirok etdi.
“Ushbu sport maydonchasi mahallamiz uchun ajoyib sovg‘a bo‘ldi. Yoshlarmizning barkamol va baquvvat bo‘lib voyaga yetishida sportning o‘rni beqiyos. Mana, endilikda mahalla hududidan joy olgan qulay va zamonaviy sport maydonchasida o‘g‘il-qizlarimiz istagancha shug‘ullanishlari, chiniqishlari mumkin. Bu yerda turli musobaqalar ham o‘tkazish imkoni bor. Hammaga katta rahmat”, – deydi fuqaro Muzayamxon Farmonova.
“Tumanimizdagi navbatdagi obyekt ham foydalanishga topshirildi. Yaqindagina ‘Bahor’ nomli mahallada harbiylarimiz tomonidan barpo etilgan sport maydonchasini ochgandik. Hali ko‘plab mahallalarda bunday tadbirlar o‘tkazilishi rejalashtirilgan”, – deydi Mirzo Ulug‘bek tumani xokimiyati sport va jismoniy tarbiya bo‘limi boshlig‘i Baxtiyor Yo‘ldoshev.
Izoh (0)