Navro‘z umumxalq bayrami munosabati bilan nogironligi bo‘lgan bolalarni ijtimoiy va ma’naviy jihatdan qo‘llab-quvvatlash maqsadida Samarqand shahridagi 60-son maxsus maktabgacha ta’lim muassasasida bayram tadbiri bo‘lib o‘tdi. Bu haqda Samarqand shahar hokimligi matbuot xizmati “Daryo”ga xabar bermoqda.
Ayni paytda mazkur muassasada tayanch harakatida nuqsoni, aqliy rivojlanishida kamchiligi va ruhiy rivojlanishida orqada qolgan 130 nafar bola tarbiyalanmoqda.
Hokimlik matbuot xizmatining ma’lum qilishicha, bayram tadbiri davomida mazkur maktabgacha ta’lim muassasasida tarbiyalanayotgan bolalarga Prezident sovg‘alari topshirildi.
— Imkoniyati cheklangan bolalarni ma’naviy va moddiy qo‘llab quvvatlash, ularning holidan xabar olish, ko‘nglini ko‘tarish, shu bilan birga ularni hamisha e’zozda ekanliklarini xis qilish tuyg‘ularini beradi, — deydi mazkur muassasa mudirasi Zamira Odilova.
Izoh (0)