Avval xabar berilganidek, joriy yil 30-mart kuni soat taxminan 13:55 larda Mirzo Ulug‘bek tumani, Sayram ko‘chasi, 8a-uy, 6-xonadon oshxonasidan ushbu manzilda yashagan ayolning murdasi qotillik alomatlari bilan topilgan va mazkur holat yuzasidan Toshkent shahar prokuraturasi tomonidan jinoyat ishi qo‘zg‘atilgandi.
Toshkent shahar prokuraturasining o‘ta og‘ir jinoyatlarni tergov qilish bo‘limi tomonidan deyarli bir sutka ichida o‘tkazilgan zarur tezkor-tergov harakatlari natijasida 30-mart kuniga o‘tar kechasi marhuma O.K. o‘z xonadonida tanishi A.A. bilan spirtli ichimliklar iste’mol qilib, keyinchalik o‘rtalarida kelib chiqqan janjal oqibatida A.A. mast holatda stol ustida turgan oshxona pichog‘i bilan marhumaning o‘ng bo‘yin sohasiga urib, qasddan o‘ldirib, so‘ngra hodisa joyidan yashiringanligi aniqlandi.
Shunga ko‘ra, 1-aprel kuni Toshkent shahar prokuraturasi tomonidan jinoyat ishi bo‘yicha A.A. JKning 97-moddasi 1-qismida nazarda tutilgan jinoyatni sodir etganlikda gumon qilinuvchi tariqasida ishtirok etishga jalb qilinib, u JPKning 221-moddasi tartibida ushlandi.
Hozirda jinoyat ishi bo‘yicha dastlabki tergov davom etmoqda.
Izoh (0)