Bugundan respublikadagi 22 ta oliy ta’lim muassasalarida xorijda ta’lim olish uchun nomzodlarga mo‘ljallangan xorijiy tillarni o‘rgatish o‘quv kurslari boshlandi, deya xabar beradi Oliy va o‘rta maxsus ta’lim vazirligi matbuot xizmati.
O‘quv kurslar uch oy davom etadi: bir oy mobaynida OTMlarda trenerlar tomonidan o‘quv mashg‘ulotlar olib boriladi, ikki oy mobaynida tinglovchilar masofaviy platformada belgilangan topshiriqlarni onlayn rejimida mustaqil o‘zlashtiradi.
Kurslarda British Council (Britaniya Kengashi), Alliance Francaise (Fransuz Alyansi), Geothe instit (Gyote instituti) kabi xalqaro tashkilotlarning malakali trenerlari ham ishtirok etadi.
Mazkur kurslarga jami 1200 nafardan ortiq tinglovchilar qamrab olinadi va ularni muvaffaqiyatli tamomlagan pedagoglarga 2020-yilda “El-yurt umidi” jamg‘arma stipendiati bo‘lish uchun o‘tkaziladigan tanlovda ishtirok etish huquqini beruvchi sertifikat beriladi.
Izoh (0)