O‘zbekistonda DNK ma’lumotlari milliy bazasini yaratish rejalashtirilmoqda

O‘zbekistonda DNK ma’lumotlari bo‘yicha milliy baza yaratish rejalashtirilmoqda, deb xabar berdi “Gazeta.uz”.

Bu jamoatchilik muhokamasi uchun taqdim etilgan Davlat tomonidan genom ma’lumotlarini ro‘yxatga olish to‘g‘risidagi qonun loyihasida ko‘zda tutilgan. Hujjat Ichki ishlar vazirligi tomonidan tayyorlangan.

Qonundan maqsad davlat tomonidan genomlarni ro‘yxatga olish sohasidagi munosabatlarni tartibga solish. Yangi qonun insonning biologik namunalarini olish, bu namunalarni ro‘yxatga olish va saqlashning huquqiy asoslarini belgilab beradi.

Qonun loyihasida ta’kidlanishicha, davlat tomonidan genomlarni ro‘yxatga olish inson hayoti va sog‘lig‘iga xavf solmasligi, uning sha’ni qadr-qimmatini kamsitmasligi kerak.

Genom ma’lumotlari cheklangan tarzda foydalaniluvchi shaxsiy ma’lumotlar qatoriga kirib, uning muhofaza qilinishi davlat tomonidan kafolatlanadi.

Qonun loyihasi muhokamasi 13-aprelgacha davom etadi. Uning amalda joriy etish esa 2023-yildan boshlanadi.

DNK — har bir odam organizmida unikal bo‘lgan dezoksiribonuklein kislotasidir.