O‘zbekiston Prezidenti Shavkat Mirziyoyev 29—30-mart kunlari Buxoro viloyatiga tashrifi davomida Buxoro shahrida amalga oshirilayotgan bunyodkorlik ishlarini ko‘zdan kechirdi.
285 milliard so‘mlik qiymatga ega Buxoro shopping-markazi 2019-yil so‘ngida foydalanishga topshirilishi mo‘ljallanmoqda. “U kattaligi, ko‘p tarmoqliligi, zamonaviyligi bilan O‘zbekistonda yagona bo‘ladi”, deya ma’lum qilindi Prezident tashrifiga bag‘ishlangan “O‘zbekiston 24” telekanalidagi reportajda.
Prezident Shavkat Mirziyoyev savdo va ko‘ngilochar markaz qurilishi bilan tanishar ekan, uni imkon qadar tez fursatlarda foydalanishga topshirish zarurligini qayd etib o‘tgan. “Birinchi galda sifatga alohida e’tibor berish kerak. Odamlar uchun eng maqbul qulayliklar yaratish, infratuzilma, obodonlashtirish masalalariga ahamiyat berish lozim”, — dedi Prezident.
Qayd etishlaricha, majmua qurilishida noan’anaviy bolalar o‘yin maydonchalaridan tortib, avtomobillar saqlash joylarigacha barcha jihatlar inobatga olingan.
Izoh (0)