Ўзбекистон Президенти Шавкат Мирзиёев 29—30 март кунлари Бухоро вилоятига ташрифи давомида Бухоро шаҳрида амалга оширилаётган бунёдкорлик ишларини кўздан кечирди.
285 миллиард сўмлик қийматга эга Бухоро шоппинг-маркази 2019 йил сўнгида фойдаланишга топширилиши мўлжалланмоқда. «У катталиги, кўп тармоқлилиги, замонавийлиги билан Ўзбекистонда ягона бўлади», дея маълум қилинди Президент ташрифига бағишланган «Ўзбекистон 24» телеканалидаги репортажда.
Президент Шавкат Мирзиёев савдо ва кўнгилочар марказ қурилиши билан танишар экан, уни имкон қадар тез фурсатларда фойдаланишга топшириш зарурлигини қайд этиб ўтган. «Биринчи галда сифатга алоҳида эътибор бериш керак. Одамлар учун энг мақбул қулайликлар яратиш, инфратузилма, ободонлаштириш масалаларига аҳамият бериш лозим», — деди Президент.
Қайд этишларича, мажмуа қурилишида ноанъанавий болалар ўйин майдончаларидан тортиб, автомобиллар сақлаш жойларигача барча жиҳатлар инобатга олинган.
Изоҳ (0)