27-mart kungi o‘yin natijalariga ko‘ra, Viskonsin shtatidagi Nyu-Berlin shahrida sotilgan lotereya biletidan AQSh tarixida kattaligi jihatidan uchinchi o‘rinda bo‘lgan yutuq chiqdi, deb yozadi ForumDaily.
G‘olibga 768,4 million dollar miqdorida yutuq olib kelgan omadli raqamlar 16, 20, 37, 44, 62 va Powerball 12 bo‘lgan. Biletlar savdosi yaxshi bo‘lganligi uchun 750 million dollarlik bosh yutuq miqdori o‘yindan avval 768,4 million dollarga ko‘tarilgan.
Agar yutuq egasi sovrinni bittada olib ketishni xohlasa, soliqlar to‘langandan so‘ng 477 million dollar olishi mumkin.
Bu Viskonsin lotereya tarixida yirik jekpot hisoblanadi. Yutuqli bilet sotgan riteyler hali aniqlanmagan. Ammo xabarda aytilishicha, unga 100 ming dollar miqdorida pul to‘lanishi mumkin.
Powerball o‘yini 44 ta shtatda, shuningdek, Vashington, Kolumbiya, Puerto-Riko hamda Amerikaning Virjiniya orollarida o‘ynaladi.
Izoh (0)