Qozog‘istonda Mi-8 vertolyotida halokatga uchragan harbiy o‘limi oldidan oilasiga video yuborgan

Qizilo‘rda viloyatida Mi-8 vertolyotining halokatida vafot etgan besh nafar harbiy Toldiqo‘rg‘on viloyatidan bo‘lgan. Yanvar oyida ular Aqtau shahriga ko‘chirilgan, deb xabar beradi “Zakon.kz”.

Katta serjant Murat Sharipov 40 yoshda, kichik serjant Asxat Abdulmanat — 37 yoshda, yefreytorlar Mirasu Jumatayev — 28, Kuanish Sarkitbayev — 33, Aydin Abdildanov 41 yoshda edi.

Halok bo‘lgan 37 yoshli Asxat Abdulmanatning ortida uning 15 yil birga hayot kechirgan turmush o‘rtog‘i Elvira va to‘rt farzandi qolgan.

U Aqtauga uchib ketayotganida video yubordi “Mana, biz uchib ketyapmiz” deb. Shundan so‘ng u aloqaga chiqmadi. Kechqurun soat 11 da uning o‘limi haqida xabar keldi. O‘g‘lim o‘lganiga hali ham ishonmayman. 1-yanvardan u Aqtauga ko‘chib o‘tdi. Ikki oy o‘tdi, mana endi u yo‘q”, — deydi marhum Asxat Abdulmanatning onasi.

28 yoshli yefreytor Miras Jumatayevning qarindoshlari hali ham sodir bo‘lgan voqeaga ishonmaydi. Internetdagi dastlabki xabarlarda uning familiyasi Jumatov deb yozilgan. Qarindoshlar esa eng so‘nggi damgacha Mirasning tirik ekanligiga umid qilgan.

Miras oxirgi marta qarindoshlari bilan kechqurun soat 17:00 aloqaga chiqqan.

“Hammasi yaxshi, Aqtaudan parvoz qildik”, — degan u onasiga. Mirasning onasi, o‘g‘lining Aqtauga ko‘chib o‘tishni istamaganligini xotirlaydi.

Saylau Sidiqova, marhum Miras Jumatayevning onasi:

— Farzandlarimiz bilan hammasi yaxshi ekaniga ishondik. O‘g‘lim Aqtauga o‘z xohishiga qarshi borgan. U Aqtau shahrida xizmat qilishni xohlamagan. Men ham uni qo‘yib yubormoqchi emasdim.

Halok bo‘lgan 40 yoshli katta serjant Murat Sharipovning yaqinlari jurnalistlarga intervyu berishdan bosh tortdi. Ma’lum bo‘lishicha uning ortida turmush o‘rtog‘i va to‘rt bolasi qolgan. Qarindoshlari uning jasadini oxirgi yo‘lga hurmat bilan kuzatish uchun kutmoqda.

Qozog‘iston Respublikasi Mudofaa vaziri Nurlan Yermekbayev halokat bo‘yicha tergov boshlanganini ma’lum qilgan. Barcha jabrlanganlarning oilalariga moddiy yordam ko‘rsatiladi. Prezident Qosim-Jomart To‘qayev jabrlanganlarning oilalariga ta’ziya bildirgan.