Germaniyada kuchli bo‘ron paytida Cessna 680 samolyotining ekstremal qo‘nishi aks etgan video Daily Mail tomonidan chop etildi.
Videoda Dyusseldorf aeroportida soatiga 120 kilometr tezlikdagi kuchli shamolda qo‘nayotgan biznes-jet tasvirlangan. Unda samolyotning chap va o‘ng tomonga chayqalgani, qo‘nish yo‘lagida uchuvchi mohirlik bilan qanotini qayrilish burchagiga moslashtirishga harakat qilgani va samolyotni qo‘ndirgani aks etgan.
Samolyot nihoyat qo‘nganida, uning bir qanoti yana chapga egildi va u sarob tufayli go‘yo asfaltga “cho‘kib ketganday” ko‘rindi.
“Shamol tufayli bir qanot ko‘tarilib, boshqasi uchish-qo‘nish yo‘lagiga tegdi. Men hech qachon bu kabi holatni uchratmaganman,” — deydi video muallifi.
Izoh (0)