Prezident farmoniga muvofiq, 2019-yil 20-martdan boshlab Birlashgan Arab Amirliklari fuqarolari uchun O‘zbekiston hududiga kirgan kundan e’tiboran 30 kun muddatga vizasiz tartib belgilanadi.
Tashqi ishlar vazirligiga mamlakatga ish yuzasidan keladigan BAA fuqarolariga O‘zbekistondagi taklif qilayotgan yuridik shaxsning Tashqi ishlar vazirligiga murojaat etishi talabi bekor qilingan holda, bir yil muddatgacha bo‘lgan ko‘p martalik vizalarni hujjatlar qabul qilingan kun hisobga olinmasdan 3 ish kuni mobaynida rasmiylashtirish topshirildi.
Qarorda bundan ko‘zlangan maqsad O‘zbekiston va Birlashgan Arab Amirliklari o‘rtasida siyosiy, savdo-iqtisodiy, ilmiy-texnikaviy va madaniy hamkorlikni yanada faollashtirish, mamlakatida qulay investitsiya muhitini yaratish va turizm salohiyatini rivojlantirish ekanligi bildirilgan.
Izoh (0)