6-mart kuni jurnalistlar AQSh prezidenti Donald Trampning Oq Uydagi uchrashuvda Apple kompaniyasi rahbari Tim Kukga “Tim Eppl” deb murojaat etganiga e’tibor qaratdi, deb yozadi Meduza.
Prezident tadbirkorni AQSh iqtisodiyotiga hissa qo‘shayotgani bilan maqtagan va o‘z so‘zlarini “Biz buni juda qadrlaymiz, Tim Eppl”, deb tugatgan.
Apple so‘zi xuddi familiyadek eshitilgan, aslida esa Tramp nimani nazarda tutgani noma’lum. Prezidentning o‘zi bunga izoh bermagan. Tramp avval ham shu kabi xatoliklarga yo‘l qo‘ygan. Bir yil oldin Lockheed Martin rahbari Merilin Xyusonni “Merilin Lokxid” deb aytgan.
Tim Kuk Tramp bilan uchrashuv vaqtida bunday g‘alati murojaatga munosabat bildirmagan, biroq keyinchalik o‘zining Twitter’dagi familiyasini Apple kompaniyasi logotipiga almashtirib qo‘ygan. Biroq bu belgi Apple mahsulotlarini ishlatmaydigan foydalanuvchilarga ko‘rinmaydi.
Izoh (0)